【露比穿搭分享】
最近天氣回暖，大家都感受到春天來臨嗎？上次就同大家分享咗長春花藍，今次為迎接初春，我會同大家分享下粉紅色嘅穿搭。
好多人都覺得粉紅色好 cute 好女仔唔容易著，其實粉紅色都有好多種，好似我呢條櫻花淡粉嘅 lace 連身裙，其實任何膚色嘅朋友都著到，仲會立即提亮膚色！加條同樣有紅色色調嘅啡色腰帶，可以突顯腰部線條，顯瘦不二之選。再配搭件水洗色牛仔褸同埋金色修腳運動鞋，咁就帶出春天嘅活力啦。
粉紅色服裝可以配襯一些玫瑰金色系首飾，今次我選擇一比較輕巧嘅首飾，心形K金鑲鑽石耳環同戒指做些少點綴，K金鑲鑽石線戒可以配搭好多唔同組合，戒指顯得手指更細長。因為全身都以淺色系為主，選擇這隻鑲有紅寶石的手觸做返個小對比就靚哂了。
大家仲唔快d為你嘅初春穿搭添上一點活力？！